Vüqar Bayramov: "Hüquqi şəxslərin vəsaitlərinin sığortalanması mexanizminin hazırlanmasına ehtiyac var"

Vüqar Bayramov: "Hüquqi şəxslərin vəsaitlərinin sığortalanması mexanizminin hazırlanmasına ehtiyac var"
  • Clock-gray 12:04
  • calendar-gray 11 Dekabr 2020

“Əmanətlərin sığortalanması ilə bağlı təklif edilən mexanizm məsuliyyətin, fiskal öhdəliyin daha çox iki tərəf - dövlət və müştərilər arasında bölüşdürülməsini nəzərdə tutur. Praktik olaraq bu istiqamətdə sektorun məsuliyyəti müəyyənləşmir”.

APA-nın məlumatına görə, bunu Milli Məclisin bu gün keçirilən iclasında deputat Vüqar Bayramov deyib.

O bildirib ki, qorunan əmanətlər dövlət mənbəsi hesabına qarşılanır, digərləri isə əksər hallarda ödənilmir, yəni, müştərinin öhdəliyində qalır: “Baxmayaraq ki, depoziti cəlb və ondan gəlir əldə edən tərəf  sektordur, yəni banklardır. O baxımdan, sığortalanan  məbləğ ilə bağlı rəqəmlərin dəyişdirilməsi mexanizmin təkmilləşdirilməsi anlamına gələ bilməz. Daha məqsədə uyğun olar ki, əksər inkişaf edən ölkələrdə olduğu kimi, əmanətlərin qaytarılmasında sektorun öhdəlikləri aydın şəkildə müəyyənləşsin və buna nəzarət edilsin. Təklif edilən layihədə steykholder yanaşması yoxdur. Yenə də dövlət əsas fiskal yükü öz üzərinə götürür və digər əksər steykholderlərin, xüsusən də bank sektorunun aktorları fiskal öhdəlikli steykholderlər kimi nəzərə alınmır. Son müflis olan 4 bankda   kreditlərin 60 faizindən çoxunun təminatsız olması həmin banklarda qorunmayan əmanətlərin qaytarıla biləcəyi ilə bağlı müəyyən   tərəddüdlər formalaşdırıb. Bank müfis olduqdan sonra o öhdəliklərin yerinə yetirilməsi ilə qorunan əmantlərin qaytarılmasına məsul olan qurum məşğul olur. O baxımdan, təklif   ediləcək   mexanizm eyni zamanda kredit öhdəlikləri yaranan zaman nəzarət mexanizmini də nəzərdə tutmalı və potensial ləğvedici qurum o prosesdə dolayı olsa da iştirak etməlidir. Belə nəzarət formalaşarsa, hətta qorunmayan əmanətlərin də  qaytarılması mümkün ola bilər. Fərdi  sahibkarlıqla məşğul  olan fiziki şəxslərin depozitlərinin sığortalanması üçün kompensasiya müsbət məqamdır. Amma kompensasiya məbləği kiçik müəyyənləşib. Hazırda bu kateqoriya üzrə banklarda vəsaitlərin həcminin cəmi 110 milyon manat olduğunu və 20 min manata qədər olan hissənin 50 milyon manat təşkil etdiyini nəzərə alsaq,  burada   daha   böyük   məbləğin   müəyyənləşdirilməsi   fiskal   baxımdan   böyük   öhdəlik yaratmayacaq. Bu   məbləğin 20 min deyil, 50 min manat müəyyənləşdirilməsi fiskal baxımdan çətinlik yarada bilməzdi”.

Deputat qeyd edib ki, hüquqi şəxslərin vəsaitlərinin sığortalanması mexanizminin işlənib hazırlanmasına ehtiyac var: “Bir   tərəfdən,   vəsaitlərin   nağdlaşdırılması ilə bağlı limitlər var,   nağdsız   hesablaşmaların genişləndirilməsi baxımdan bu, yaxşıdır,   amma   digər   tərəfdən   bank   müflis   olan   zaman sahibkarlar   öz   vəsaitlərini   geri   ala   bilmir. Bu   vəsaitlərin   məbləğlərinin   limitli   və   mərhələli şəkildə banklar tərəfindən   üçüncü   (dövlət   olmayan)   tərəf   vasitəsi   ilə   sığortalanması mexanizminin işlənib hazırlanması və tətbiqinə ehtiyac var”.

Firuzə Vahid

Digər xəbərlər