FİDE iyul ayı üçün reytinq cədvəlini açıqlayıb.
APA-nın məlumatına görə, kişilər arasında “Top-100”də Azərbaycan millisinin 4 şahmatçısı yer alıb.
Təmsilçilərimizdən ən yaxşı nəticə yenə Şəhriyar Məmmədyarova məxsusdur. O, bu dəfə 8-ci pillədə qərarlaşıb və 2765 reytinq xalına malikdir.
Teymur Rəcəbov (2759) 13-cü yerdə qərarlaşıb. Digər şahmatçılarımıza gəlincə, Arkadi Naydiç (2681) 62-ci, Qədir Hüseynov (2654) 100-cü pillədədir. Reytinq siyahısına Maqnus Karlsen (Norveç, 2872) başçılıq edir.
Qadın şahmatçıların ən güclü “100-lüy”ündə isə cəmi 1 həmyerlimiz var. Günay Məmmədzadə 2427 xalla 40-cı pillədə yer alıb. Qadın idmançıların siyahısında yenə Yifan Hou (Çin, 2659) liderdir.