Azərbaycanda ilk dəfə turistlərə xidmət edəcək kitabxana yaradılacaq
06 fevral 2009 10:15 (UTC +04:00)
Bakı. Kəmalə Quliyeva – APA. “Yaxın aylarda Ənvər Məmmədxanlı adına kitabxananın bazasında Bakıya gələn turistlərə xidmət edən kitabxana yaradılacaq”. Bu barədə APA-ya Bakı şəhəri Mədəniyyət və Turizm İdarəsinin rəisi Əlikram Əliyev məlumat verib. Onun sözlərinə görə, “Bakı İnformasiya Kitabxana Turizm Mərkəzi”nin yaradılması barədə qərar mədəniyyət və turizm naziri tərəfindən verilib: “İldən-ilə Azərbaycan turist axını çoxalır, lakin onlara xidmət edəcək bir kitabxana yoxdur. “Bakı İnformasiya Kitabxana Turizm Mərkəzi”nin yaradılması isə bu problemi həll edəcək”. Ə. Əliyevin sözlərinə görə, hazırda yaradılacaq kitabxana üçün əcnəbi dildə olan kitabların toplanışına başlanılıb: “Bu kitabxanada dünyanın bütün dillərində olan kitablar toplanacaq və kitabxana Azərbaycanda analoqu olmayan bir kitabxana olacaq”.
İdarə rəisi onu da qeyd edib ki, hazırda Bakı şəhərində 85 kitabxana fəaliyyət göstərir. Fəaliyyəti zəif, maddi-texniki bazası bərbad olan kitabxanaların ləğv olunacağını deyən Ə. Əliyevin sözlərinə görə, yaxın illərdə Bakının bütün rayonlarındakı kitabxanalarda informasiya mərkəzləri yaradılacaq. Bu il isə paytaxtın dörd rayonundakı iri kitabxanalarda informasiya mərkəzlərinin açılması gözlənilir.
İdarə rəisi onu da qeyd edib ki, hazırda Bakı şəhərində 85 kitabxana fəaliyyət göstərir. Fəaliyyəti zəif, maddi-texniki bazası bərbad olan kitabxanaların ləğv olunacağını deyən Ə. Əliyevin sözlərinə görə, yaxın illərdə Bakının bütün rayonlarındakı kitabxanalarda informasiya mərkəzləri yaradılacaq. Bu il isə paytaxtın dörd rayonundakı iri kitabxanalarda informasiya mərkəzlərinin açılması gözlənilir.
Turizm
Azərbaycan Qlobal Dayanıqlı Turizm Şurasına üzv olub
17:29
25 aprel 2024
Nazir: Azərbaycanla Macarıstan arasında uçuşların sayı məni təəccübləndirib
10:54
25 aprel 2024
Vətəndaşlar öz avtomobilləri ilə Laçın şəhərinə səfər edə biləcəklər
10:28
25 aprel 2024
Bu il Azərbaycana gələn Qazaxıstan vətəndaşlarının sayı 135% artıb
17:29
24 aprel 2024