Turizm

Ana səhifə

Turizm

Türkiyə hotelləri qiymətləri 70% aşağı salacaq

04 iyun 2010 07:50 (UTC +04:00)

Bakı. Nicat Mustafayfev – APA-Economics. Qarşıda gələn Ramazan ayı üçün Türkiyədə fəaliyyət göstərən hotel və mehmanxanalar turistlər üçün xüsusi qiymət təklifləri hazırlayır.

«APA-Economics»in Türkiyə mətbuatına istinadən verdiyi məlumata görə, bu il Ramazan ayının turizm mövsümü ilə üst-üstə düşməsi səbəbindən hotellər Ramazan ayında qiymtələrdə əhəmiyytəli dərəcədə endirim edəcəyini bildirib. Belə ki, bir çox mehmanxanalar turistləri cəlb etmək məqsədilə qiymətlərdə 70% endirm edəcək. Məsələn, «əcər Club Familia» hotelində iyul ayının 1-dən avqust ayının 6-dək 1 nəfər üçün hotelin nömrəsi 170 lirə təşkil edirsə, Ramazan ayı ərzində qiymət 40 lirəyə endiriləcək, «Şahh Inn Paradise» mehmanxanası isə Ramazanda qiyməti 97 avrodan 29 avroya endirəcək.