Rusiya Azərbaycan və Ermənistan ictimaiyyət nümayəndələrinin görüşünü dəstəkləyir.
APA-nın Moskva müxbirinin xəbərinə görə, bunu Rusiya Xarici İşlər Nazirliyi (XİN) nümayəndəsi Mariya Zaxarova bu gün keçirdiyi brifinqdə bildirib.
“İnanırıq ki, Azərbaycan və Ermənistan ictimaiyyət nümayəndələrinin görüşü öz məqsədinə çatıb”, - M. Zaxarova vurğulayıb.
Onun sözlərinə görə, görüşdə həssas humanitar mövzularda, o cümlədən saxlanılanların qaytarılması, Ermənistanın minalanmış ərazilərin xəritələrini təhvil verməsi kimi mövzularda konstruktiv dialoq əhval-ruhiyyəsi hökm sürüb.
"Bu cür birləşdirici gündəmin, hansı ki, predmetli razılaşmaya çıxmağa, digər istiqamətlərdə daha da irəli getmək üçün atmosferi formalaşdırmağa kömək edir, fövqəl dərəcədə aktual olduğuna inanırıq. Ona görə də perspektivdə bu cür təmasların müntəzəm əsasda, habelə Azərbaycan və Ermənistanda keçirilməsinə ümid edirik", - Zaxarova deyib.
Qeyd edək ki, ötən həftə Moskvada Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoyun vasitəçiliyi ilə Azərbaycan və Ermənistanın ictimaiyyət nümayəndələrinin görüşü keçirilib. Görüşdə Azərbaycanı Fərhad Bədəlbəyli, Kamal Abdulla, Ayaz Salayev və Gülçöhrə Məmmədova təmsil ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
