Azərbaycandakı diplomatik korpusun rəhbərləri üçün növbəti brifinq təşkil olunub

Azərbaycandakı diplomatik korpusun rəhbərləri üçün növbəti brifinq təşkil olunub
  • Clock-gray 18:11
  • calendar-gray 19 Oktyabr 2020

Bu gün ADA Universitetində Azərbaycandakı diplomatik korpusun rəhbərləri, səfirlər, ölkəmizdə akkreditə olunmuş xarici hərbi attaşelər və beynəlxalq təşkilatların ölkəmizdəki nümayəndəliklərinin rəhbərləri üçün brifinq təşkil olunub.

APA-nın xəbərinə görə, brifinqdə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Ermənistan ordusu tərəfindən Azərbaycanın yaşayış məntəqələri və mülki əhalisinə qarşı edilən hücumlar barədə diplomatları məlumatlandırıb.

Azərbaycanın Birinci vitse-prezidentinin köməkçisi Elçin Əmirbəyov və Müdafiə Nazirliyinin (MN) Beynəlxalq Hərbi Əməkdaşlıq İdarəsinin rəisi, general-mayor Hüseyn Mahmudov Ermənistan ordusunun 18 oktyabrda əldə olunan müvəqqəti humanitar atəşkəsi dəfələrlə pozduğunu vurğulayıblar.

Brifinqdə sentyabrın 27-dən indiyədək Ermənistan silahlı qüvvələrinin hücumları nəticəsində həyatını itirən şəxslərin və yaralıların sayı barədə məlumatlar verilib, foto faktlar nümayiş etdirilib.

Sonda diplomatların müvafiq sualları cavablandırılıb.

Zümrüd Paşkin

Digər xəbərlər