BP-nin regional prezidenti Azərbaycan Prezidentini təbrik edib

BP-nin regional prezidenti Azərbaycan Prezidentini təbrik edib
  • Clock-gray 16:20
  • calendar-gray 24 Dekabr 2019

BP-nin Azərbaycan, Gürcüstan və Türkiyə üzrə regional prezidenti Qəri Counz Azərbaycan Prezidenti İlham Əliyevi doğum günü münasibəti ilə təbrik edib.

APA-nın xəbərinə görə, təbrikdə deyilir:

“Hörmətli cənab Prezident.

Sizi doğum gününüz münasibəti ilə səmimi qəlbdən təbrik edir, Sizə və ailənizə cansağlığı və rifah diləyirəm.

Bu xoş fürsətdən istifadə edərək, qarşıdan gələn Dünya Azərbaycanlılarının Həmrəylik Günü və Yeni il münasibətilə Sizə və Azərbaycan xalqına davamlı nailiyyətlər və firavanlıq arzulayıram.

BP şirkəti olaraq biz Azərbaycana böyük önəm veririk və burada olmağımızdan qürur duyuruq. Ötən 27 il ərzində regionda həyata keçirdiyimiz dünyamiqyaslı layihələrin uğuru Sizin rəhbərliyiniz və dəstəyiniz, eyni zamanda, Azərbaycan hökuməti, SOCAR və digər tərəfdaşlarımızla sıx əməkdaşlıq sayəsində mümkün olmuşdur. Ümidvaram ki, bu səmərəli tərəfdaşlığımız bundan sonra da davam edəcəkdir.

Sizə doğum gününüz və qarşıdan gələn bayramlar münasibətilə bir daha ən səmimi təbriklərimi çatdırır və Azərbaycan Respublikasının inkişafı naminə fəaliyyətinizdə uğurlar arzulayıram”.

Yunanıstanın “Motor Oil Hellas”, “Vegas Oil and Gas” şirkətlərinin sədri Vardis Vardinoyannis də Prezident İlham Əliyevin doğum gününü təbrik edib. 

apa-logo-mini

Digər xəbərlər