Floridanın Aventura şəhər meri Xocalı faciəsinin anım günü ilə bağlı bəyanat qəbul edib

Floridanın Aventura şəhər meri Xocalı faciəsinin anım günü ilə bağlı bəyanat qəbul edib
  • Clock-gray 14:56
  • calendar-gray 13 Fevral 2021

Florida ştatının Aventura şəhər meri Enid Veisman öz adından və Aventura Şəhər Komissiyası adından “26 fevral 2021-ci il tarixinin Xocalı faciəsinin anım günü” kimi qeyd edilməsinə dair bəyanat yayıb.

Diasporla İş üzrə Dövlət Komitəsindən APA-ya verilən məlumata görə, bəyanatda qeyd edilir ki, 1992-ci ilin fevralın 25-dən 26-na keçən gecə Azərbaycanın Xocalı şəhərinin sakinləri qadınlar, uşaqlar və yaşlılar daxil olmaqla 600-dən artıq günahsız dinc əhali qətliama məruz qalıb. Beynəlxalq insan hüquqları təşkilatları, İnsan Hüquqlarına Nəzarət (Human Rights Watch) təşkilatı bu faciəni regionun ən böyük qətliamı adlandırıb.

Xocalıda baş vermiş hadisə yad edilərək, müharibə dövründə yarana biləcək dəhşətli zərərlər xatırladılır, bütün dünya insanları arasında daha çox anlaşma, ünsiyyət və tolerantlığa ehtiyac duyulduğu diqqətə çatdırılır.

Florida ştatında, Aventurada və bütün dünyada yaşayan azərbaycanlıların 26 fevral tarixini Xocalı faciəsi qurbanlarının xatirəsinin anım günü kimi qeyd etdiyi bildirilir.

Bəyanat Florida Azərbaycan-Amerika Mədəniyyət Assosiasiyasının adından, təşkilatın prezidenti Töhfə Eminova tərəfindən edilən müraciət əsasında qəbul olunub.

Günay Elşadqızı

Digər xəbərlər