İtaliyanın Azərbaycandakı səfirliyində koronavirus pandemiyasından həyatını itirənlərin xatirələrini yad etmək üçün bayraqlar endirilib.
APA-nın xəbərinə görə, bu barədə İtaliyanın Azərbaycandakı səfirliyindən bildirilib.
"Bu gün bizim səfirliyin, həmçinin İtaliyadakı və xaricdəki bütün dövlət orqanlarının bayraqları COVID-19 epidemiyasının qurbanlarının xatirinə yarıya qədər endirilir. Biz bu pandemiya ilə üzləşən digər xalqlarla həmrəylik içindəyik", - səfirlik qeyd edib.