Atlantik okeanında meydana gələn “Rouz” tropik fırtınası Qərbi Afrika istiqamətində irəliləyir.
APA xəbər verir ki, bu barədə ABŞ Milli Qasırğa Müşahidə Mərkəzi məlumat yayıb.
Küləyin sürəti 18 m/s-dən çoxdur. Fırtınanın Qərbi Afrikanın Kabo-Verde dövlətindən 595 km aralıda olduğu bildirilir.
Qeyd edək ki, "Rouz" fırtınası Atlantik okenda 2021-ci il mövsümü ərzində sayca 17-ci təbiət hadisəsidir.
Qasırğa mövsümü Atlantikda iyunun əvvəlindən noyabrın sonuna qədər altı ay müddətinə davam edir.
Məlumat üçün bildirək ki, küləyin sürəti təxminən 17.5 m/s-ə çatdıqda fırtına hesab olunur. Lakin küləyin sürəti 33 m/s və ya daha çox olduqda fırtına qasırğaya çevrilir.