“Bu gündən etibarən Əlcəzair Mərakeşlə davam edən uzunmüddətli diplomatik əlaqələrin kəsilməsi barədə qərar qəbul edib”.
APA TASS-a istinadən xəbər verir ki, bu barədə Əlcəzairin xarici işlər naziri Ramtan Lamamra bildirib.
Nazir ölkəsinin bu addımını Mərakeşin Əlcəzair ərazisində fəaliyyət göstərən iki terror hərəkatını – “Kabilin Muxtariyyəti Hərəkatı və “Rəşad” hərəkatını dəstəklədiyinə görə atdığını deyib: “Əlcəzair hökuməti hesab edir ki, avqust ayında ölkənin şimalında baş verən meşə yanğınlarında adıçəkilən terror təşkilatının fəalları da iştirak edib”.