Şakira Kolumbiya hökumətini etiraz aksiyaları zamanı polis zorakılığına son qoymağa çağırıb

Şakira Kolumbiya hökumətini etiraz aksiyaları zamanı polis zorakılığına son qoymağa çağırıb
# 05 may 2021 04:22 (UTC +04:00)

Müğənni Şakira Kolumbiya hökumətini bir neçə gündür davam edən etiraz aksiyaları zamanı polis zorakılığına son qoymaq üçün təcili tədbirlər görməyə çağırıb.

APA xəbər verir ki, müğənni bu barədə instaqram səhifəsində yağıb.

“Ölkəmin hökumətindən təcili tədbirlər görməsini və insan haqlarının pozulmasının dayandırmasını xahiş edirəm”, deyə müğənni vurğulayıb.

O, bir insanın həyatının istənilən siyasi maraqlardan üstün olduğunu qeyd edərək, bildirib ki, bir ananın yeganə övladını itirməsi qəbuledilməzdir”. 

Xatırladaq ki, Kolumbiyada ötən həftədən bəri vergi islahatlarına qarşı nümayişlər davam edir. Paytaxt Boqota, Kali, Medellin və digər şəhərlərdə etiraz aksiyalarında 840-dan çox insan yaralanıb. 

 

#
#

ƏMƏLİYYAT İCRA OLUNUR