ABŞ-ın Texas ştatının Ostin şəhər polisi 14 nəfərin yaralandığı silahlı insidentdə şübhəli bilinən silahlı şəxsi həbs edib.
APA TASS-a istinadən xəbər verir ki, bu barədə şəhər polis departamentinin saytında məlumat yer alıb.
“Hələlik bir şübhəli saxlanılıb. İkinci şübhəli hələ də azadlıqdadır”, - məlumatda belə deyilir.
Ostin rəhbərliyi şənbə gecəsi baş verən atışma nəticəsində 14 nəfərin yaralandığını bildirmişdi. Hadisənin motivləri barədə hələlik məlumat verilməyib.