Braziliyanın şimalındakı Para ştatında qurulmaqda olan böyük elektrik dirəyinin aşması nəticəsində azı yeddi nəfər ölüb, beş nəfər xəsarət alıb.
APA TASS-a istinadən xəbər verir ki, bu barədə “G1” portalı bələdiyyənin səhiyyə departamentinə istinadən məlumat yayıb.
Məlumata görə, hadisə zamanı 6 nəfər hadisə yerində, daha bir nəfər xəstəxanada ölüb. Xəsarət alanlara tibbi yardım göstərilib, vəziyyətləri barədə başqa məlumat verilmir.
Bildirilir ki, insident zamanı azı 26 nəfər hadisə yerində çalışırmış.