Kreml: Putin Baydenlə görüşdə istənilən mövzu ilə bağlı danışmağa hazırdır

Kreml:  Putin Baydenlə görüşdə istənilən mövzu ilə bağlı danışmağa hazırdır

© APA | Co Bayden və Vladimir Putin

# 04 iyun 2021 13:42 (UTC +04:00)

"Rusiya Prezidenti Vladimir Putin ABŞ Prezidenti Co Baydenlə görüşdə istənilən mövzu ilə bağlı danışmağa hazırdır".

APA-nın "RİA Novosti"yə istinadən verdiyi xəbərə görə, bu barədə Rusiya Prezidentinin mətbuat katibi Dmitri Peskov deyib.

Onun sözlərinə görə, görüşün nə qədər davam etməsi ilə bağlı vaxt məhdudiyyəti yoxdur. 

"İki ölkənin liderləri - Vladimir Putin və Co Baydenin görüşü  istədikləri müddətcə davam edəcək. Əlbəttə ki, Belarusla yanaşı bir çox suallar var ... bu suallar verilərsə, qiymətləndirmələr təqdim olunarsa, Rusiya tərəfi hər zaman müvafiq açıqlamalar verməyə hazırdır. Rusiya Prezidenti Vladimir Putin ABŞ lideri  ilə görüşdə Belarus da daxil olmaqla hər mövzuda danışmağa hazırdır", -deyə Dmitri Peksov bildirib.

Kremlin sözçüsü əlavə edib ki, görüşün sabit bir gündəmi olmayacaq və dövlət başçılarının toxunmaq istədikləri mövzular qaldırılacaq. Peskovun sözlərinə görə, həm təkbətək görüşün, həm də nümayəndə heyətlərinin iştirakı ilə geniştərkibli görüşün keçirilməsi gözlənilir.

Dövlət başçıları razılığa gələcəyi halda yekun bəyanat olacaq.

#
#

ƏMƏLİYYAT İCRA OLUNUR