Papua-Yeni Qvineya sahillərində 5.7 bal gücündə zəlzələ baş verib.
APA xəbər verir ki, bu barədə ABŞ Geoloji Xidmətinin məlumatında bildirilib.
Zəlzələ yerli vaxtla 20.30-da (Bakı vaxtı ilə 00.30) Manus əyalətinin Lorenqau şəhərindən 163 kilometr cənub-qərbdə qeydə alınıb.
Yeraltı təkanın ocaq 10 kilometr dərinlikdə olub.
Ehtimal olunan itkilər və ziyan barədə məlumat verilməyib.