Əfqanıstanla sərhəddə Pakistan sərhədçilərinə hücum olub, ölənlər var

#
# 14:18
5 may 2021

Əfqanıstanla sərhəddə Pakistan Sərhəd Mühafizə Korpusunun əməkdaşlarına hücum olub, ölənlər var.

APA-nın TASS-a istinadən verdiyi xəbərə görə, insident Bəlucistan vilayətinin Manzakay bölgəsində baş verib.

Pakistan sərhədçiləri sərhəd bölmələrindən birinin təchizatı ilə məşğul olarkən Əfqanıstan tərəfdən ekstremistlər onlara atəş açıb. Dörd sərhədçi hadisə yerində ölüb, altı sərhədçi isə Kvetta şəhərindəki xəstəxanaya aparılıb. 

Pakistan hərbçiləri sərhədlərarası terrorizmi, ekstremistlərin və qarşı tərəfdən qaçaqmalçılığın qarşısını almaq üçün Əfqanıstanla sərhəddə texnika quraşdıraraq maneələr inşa edirlər. İndiyə qədər bu işlərin 90%-i tamamlanıb.

#
#

ƏMƏLİYYAT İCRA OLUNUR