İranın Ali Lideri Ayətullah Xamenei səhiyyə nazirinin istəyinə uyğun olaraq, ölkədə 2 həftəlik tətil elan olunmasına göstəriş verib.
APA-nın Tehran bürosunun məlumatına görə, İranın səhiyyə naziri Səid Nəməki ölkədə koronavirusun geniş yayılmasının, beşinci dalğanın qarşısnı almaq və xəstəxanaların yükünü azaltmaq məqsədilə İranın Ali Lideri Atətullah Xameneiyə məktubla müraciət edərək ölkədə 2 həftəlik tətil elan olunmasını, polis və təhlükəsizlik qüvvələrinin sağlamlıq protokollarına iki həftədə sərt nəzarət etməsini xahiş edib.
Səhiyyə nazirinin məktubunun cavabında Ayətullah Xamenei İran prezidentinə göstəriş verib ki, bu məsələ Koronavirusla Mübarizə Qərargahında müzakirə olunsun və lazımi addım atılsın: “Hörmətli səhiyyə nazirinin xəbərdarlığını nəzərə alaraq epidemiyanın qarşısını almaq üçün təklif olunan tətil məsələsini Koronavirusla Mübarizə Qərargahında müzakirə edib, lazım olan addım atın”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
