Çinin mərkəzi Henan vilayətinin Hebi şəhər dairəsində kömür mədənində baş verən partlayış nəticəsində azı bir nəfər ölüb və yeddi nəfər itkin düşüb.
APA TASS-a istinadən xəbər verir ki, bu barədə Çin Mərkəzi Televiziyası yerli hakimiyyət orqanlarının açıqlamasına istinadən məlumat yayıb.
Məlumata görə, qaz və kömür tozunun partlaması yerli vaxtla saat 17:50-də (Bakı vaxtı ilə 13:50) “Hebi Meydyan” şirkətinin mədənində baş verib.
Hazırda hadisə yerində xilasetmə işləri davam etdirilir.