Kabildə havaya dağınıq atəş açılması nəticəsində ən azı 17 nəfər həlak olub, 41 nəfər yaralanıb

Kabildə havaya dağınıq atəş açılması nəticəsində ən azı 17 nəfər həlak olub, 41 nəfər yaralanıb
# 04 sentyabr 2021 14:08 (UTC +04:00)

Əfqanıstanın paytaxtı Kabildə havaya atəş açılması nəticəsində ən azı 17 nəfər həlak olub, 41 nəfər yaralanıb.

APA-nın məlumatına görə, yerli “Tolo News” telekanalı xəbər verir ki, şənbə gününə keçən gecə baş vermiş insident zamanı yaralananların əksəriyyəti mülki şəxslərdir.

Əfqanıstan KİV-i bundan əvvəl məlumat yayaraq, “Taliban” hərəkatının döyüşçülərinin müqavimət göstərən Pəncşir əyalətinin tamamilə ələ keçirilməsini bayram etmək məqsədilə havaya dağınıq atəş açdığını bildirmişdi.

Milli Müqavimət hərəkatının nümayəndələri isə “Taliban”ın Pəncşir üzərində nəzarəti tam ələ keçirməsi barədə məlumatları təkzib edib.

Öz növbəsində, “Taliban”ın rəsmi nümayəndəsi Zəbiulla Mücahid özünün “Twitter” səhifəsində döyüşçüləri Kabildə atəşi dayandırmağa çağırıb.

#
#

ƏMƏLİYYAT İCRA OLUNUR