Türkiyə ilə Misir arasında növbəti siyasi məsləhətləşmələr aparılacaq.
APA-nın yerli bürosunun Türkiyənin Xarici İşlər Nazirliyinə istinadən xəbərinə görə, bununla əlaqədar Misirin xarici işlər nazirinin müavini Həmdi Sanad Lozanın rəhbərlik etdiyi nümayəndə heyəti Türkiyəyə səfər edəcək.
Danışıqlar sentyabrın 7-8-də olacaq.
Türkiyə tərəfdən heyətə Türkiyə xarici işlər nazirinin müavini Sedat Önal rəhbərlik edəcək.
Qeyd edək ki, 2013-cü ildən bəri Türkiyə ilə Misir arasında ilk diplomatik danışıqlar bu il mayın 5-6-da Qahirədə keçirilib. Türkiyə XİN bu danışıqların səmimi şəraitdə keçdiyini bildirərək, əhəmiyyətli olduğunu qeyd edib.