Koronavirusun yayılma riskini azaltmaq məqsədi ilə Gürcüstanda 10-dan çox insanın ictimai yerlərdə toplaşması qadağan edilib.
APA-nın yerli bürosu xəbər verir ki, bu barədə Gürcüstan hökuməti qərar qəbul edib. Bildirilib ki, yalnız xüsusi rejimli cəzaçəkmə müəssisələri, dövlət qurumları, hüquq-mühafizə və müdafiə orqanları və tibb müəssisələri istisnadır.
Bundan başqa, eyni qərarla ölkədə şənliklərin, toy və digər bu kimi tədbirlərin keçirilməsi də qadağan edilib.
Qeyd edək ki, martın 21-dən Gürcüstanda fövqəladə vəziyyət elan olunub.