Türkiyədə Antalyanın Manavgat rayonunda Yeniköy məhəlləsinin yaxınlığındakı meşədə yanğın olub.
APA-nın yerli bürosunun xəbərinə görə, Türkiyənin məşhur turzim bölgəsində yerli vaxtla saat 12-də başlayan yanğın Manavqat rayonun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb .
Qısa müddətdə yayılan yanğın nəticəsində Manavqatda 5 böyük məhəllə və xəstəxana köçürülüb.
Davam edən yanğını söndürmək üçün 2 təyyarə, 15 helikopter, 103 sulayıcı avadanlıq, 6 buldozer ayrılıb.