“Napoli”nin müdafiəçisi Mario Ruinin Türkiyəyə köçmək variantı baş tutmayıb.
Apasport.az saytının məlumatına görə, portuqaliyalı futbolçu “Qalatasaray”ın maraq dairəsinə olsa da, keçid alınmayıb.
Buna səbəb klublar arasındakı danışıqların uğursuz nəticələnməsidir. İstanbul təmsilçisi 30 yaşlı sol cinah oyunçusunu sonradan transfer etmək şərtilə icarəyə götürmək istəyib. Lakin neapollular icarə variantına müsbət yanaşmayıb, Ruini 8 milyon avro qarşılığında satmağa hazır olduğunu bəyan edib. Nəticədə tərəflər ortaq məxrəcə gələ bilməyib.
Qeyd edək ki, ötən mövsüm 36 oyun keçirən Mario Rui 2 məhsuldar ötürmə verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
