“Liverpul” İngiltərə çempionatları tarixinin yeni rekorduna imza atıb.
Apasport.az saytının məlumatına görə, Yurgen Kloppun yetirmələri evdə ən uzun qələbə seriyasının müəllifi kimi tarixə düşüb.
Mersisaydlılar XXIX turun “Bornmut”la oyununda ardıcıl 22-ci ev oyununda qalib gəlib – 2:1. Bunadək də rekord “Liverpul”a məxsus idi.
1972-ci ildə ardıcıl 21 ev matçında xal itirməyən liverpullular 48 il öncə “Mançester Siti”, “Nyukasl” və “Preston”un (hərəsi 20 qələbə) rekordunu yeniləmişdi.
Qeyd edək ki, “Liverpul” 82 xalla Premyer Liqanın lideridir.