Hadisə

Ana səhifə

Hadisə

Azərbaycanın Dəvəçi rayonunun Dağ Bilici kəndinin itkin düşmüş sakini Reyhanə Məcidovanın meyitinin axtarışı nəticə vermir

14 avqust 2007 10:12 (UTC +04:00)

Qızların atası Zamir Məcidov APA-ya açıqlamasında aparılan axtarış tədbirlərindən razı qalmadığını bildirib. O, kiçik qızının meyitinin tezliklə tapılmasını tələb edib: “Dünən özüm də axtarış aparılan yerdə olmuşam və orada polis görməmişəm. Əsas axtarışı kənd sakinləri aparır. Kanal ətrafında yaşayan adamlar da kömək edir”. Dəvəçi rayon Polis Şöbəsinin rəisi Nizami Sadıqov isə APA-ya bildirib ki, polis əməkdaşları Samur-Abşeron kanalının Dəvəçi ərazisindəki yeraltı hissəsində 4 saata yaxın axtarış aparıblar. Axtarışın hələ ki, nəticə vermədiyini deyən N. Sadıqov buna baxmayaraq, kanal və onun ətrafında bu istiqamətdə tədbirlərin davam etdiriləcəyini söyləyib: “Mərhumların ailəsinin vəziyyətini anlayıram və onların narahatlığını təbii qəbul edirəm. Biz bacardığımızı edirik. Ümid edirəm ki, Reyhanə Məcidovanın meyiti tapılacaq”.
Qeyd edək ki, öldürülən bacılardan biri 14 yaşlı Nailə Məcidovanın meyiti avqustun 9-da Samur-Abşeron kanalının Siyəzən istiqamətindən tapılıb. Meyit həmin gün ailəyə təhvil verilib və avqustun 10-da dəfn olunub. /APA/