Ağdamda itkin düşən şəxsin minaya düşərək ölməsi faktı ilə bağlı cinayət işi başlanıb

Ağdamda itkin düşən şəxsin minaya düşərək ölməsi faktı ilə bağlı cinayət işi başlanıb

© APA | Cəsarət Hətəmxanov

# 17 iyun 2021 10:38 (UTC +04:00)

Ağdamda itkin düşən şəxsin minaya düşərək ölməsi faktı ilə bağlı cinayət işi başlanıb. 

Ağdam rayon Prokurorluğundan APA-ya verilən məlumata görə, iyunun 7-də Ağdam rayon sakini 1978-ci il təvəllüdlü Cəsarət Hətəmxanovun itkin düşməsi, daha sonra iyunun 16-da Ağdam rayonunun işğaldan azad olunmuş ərazisində meyitinin aşkar edilməsi barədə rayon prokurorluğuna məlumat daxil olub.

Aparılmış araşdırmalarla Cəsarət Hətəmxanovun kənd-təsərrüfat fəaliyyəti ilə məşğul olarkən qeyd edilən ərazidə piyada əleyhinə minaya düşməsi nəticəsində  həlak olması müəyyən edilib.
Prokurorluq və polis əməkdaşları tərəfindən hadisə yerinə və meyitə baxış keçirilmiş, məhkəmə-tibb ekspertizası təyin edilib, digər zəruri prosessual hərəkətlər yerinə yetirilib.
Faktla bağlı Ağdam rayon prokurorluğu tərəfindən Cinayət Məcəlləsinin 120.2.4 (xüsusi amansızlıqla və ya ümumi təhlükəli üsulla adam öldürmə) və digər maddələri ilə cinayət işi başlanılıb.
Hazırda cinayət işi üzrə istintaq-əməliyyat tədbirləri davam etdirilir. 

 

#
#

ƏMƏLİYYAT İCRA OLUNUR