“Azərbaycan Dəmir Yolları” QSC Bakıda yük dəmiryol xəttinin üzərində baş verən ölüm hadisəsi ilə bağlı məlumat yayıb.
QSC-dən APA-ya verilən məlumata görə, 14 dekabr 2021-ci ildə saat 08:30 radələrində Bakı Yük Stansiyasının Əhmədli neftdoldurma sahəsində qatar hərəkətdə olarkən, maşinist yolun üstündə kəsilmiş naməlum kişi meyiti görüb və dərhal tormozlama apararaq qatarı dayandırıb:
"Təcili hüquq-mühafizə orqanlarına məlumat verilib. İlkin məlumata görə, naməlum şəxs gecə saat 00:45-01:45 radələrində manevr işləri aparılarkən 25 vaqonluq qatarın 12-ci vaqonunun altından keçməyə cəhd göstərib. Bu zaman qatar hərəkət edib və o vaqonun təkərləri altında qalaraq həlak olub”.
Hadisə aidiyyəti üzrə araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
