Hadisə

Ana səhifə

Hadisə

Balakəndə narkotik dövriyyəsi və kultivasiyası ilə məşğul olan şəxslər tutulub

04 iyun 2021 10:59 (UTC +04:00)

Balakən Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi və kultivasiyası ilə məşğul olan şəxslərin tutularaq məsuliyyətə cəlb edilmələri istiqamətində bir neçə əməliyyat tədbiri həyata keçirilib.
DİN-in Mətbuat Xidmətinin Şəki regional qrupundan APA-ya verilən məlumata görə, Ramiz adlı şəxsin üzərində və sərnişini olduğu “KİA” markalı avtomobildə narkotik vasitə daşımasına dair Polis Şöbəsinə əməliyyat məlumatı daxil olub. Keçirilən tədbirlərlə həmin şəxs saxlanılıb və onun Şəki şəhər sakini Ramiz Əhmədov olduğu müəyyən edilib.Şəxsi axtarış zamanı ondan heroin, metadon həbləri və elektron tərəzi aşkar olunaraq götürülüb.
Keçirilən digər bir əməliyyat zamanı isə narkotik vasitələrin kultivasiyası ilə məşğul olan Gərəkli kənd sakini Nicat Çobanoğlu saxlanılıb. Onun yaşadığı ünvana baxış keçirilən zaman bostan bitkilərinin arasında əkib-becərdiyi çətənə kolları aşkarlanaraq maddi sübut kimi istintaqa təqdim edilib.
Faktlarla bağlı cinayət işi başlanılıb.