Hacıqabulda avtomobil aşıb, 2 nəfər xəsarət alıb.
APA-nın Mil-Muğan bürosunun verdiyi məlumata görə, hadisə Bakı-Qazax magistralının Atbulaq kəndi ərazisindən keçən hissəsində qeydə alınıb. "Toyota" markalı avtomobilin aşması nəticəsində avtomobildə olan sərnişinlər - Bakı sakinləri - 1984-cü il təvəllüdlü Əliyev Gülbala Nurbala oğlu və 1987-ci il təvəllüdlü Dadaşov Feyruz Asif oğlu xəsarət alıb. Xəsarət alanlar Şirvan şəhər mərkəzi xəstəxanasına yerləşdirilib.
Faktla bağlı araşdırma aparılır.