Salyanda Kür çayında batmış yeniyetmənin meyiti çıxarılıb.
APA-nın Mil-Muğan bürosunun məlumatına görə, 15 yaşlı Emil Əziz oğlu Baxışovun meyiti sudan çıxarılaraq aidiyyəti üzrə təhvil veriliv.
***
Saat 01:51
Salyanda yeniyetmənin Kür çayında batması ilə bağlı bəzi təfərrüatlar məlum olub.
APA-nın Mil-Muğan bürosunun məlumatına görə, avqustun 29-da axşam saatlarında Salyan şəhəri Babazanlı massivi ərazisində Kür çayında taxta qayığın batması nəticəsində qayıqda olan 3 yeniyetmədən biri - 15 yaşlı Emil Əziz oğlu Baxışov suda boğulub. Digər azyaşlılar xilas edilib.
Hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub. Axtarışlar bu gün havanın işıqlanmasından sonra davam etdiriləcək.
***
Saat 22:42
Kür çayının Salyan rayonu ərazisindən keçən hissəsində bir nəfər batıb.
APA Fövqəladə Hallar Nazirliyinə (FHN) istinadən xəbər verir ki, 2006-cı il təvəllüdlü Baxışov Emil Əziz oğlunun batması barədə məlumat nazirliyin "112" qaynar telefon xəttinə daxil olub.
Hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub.
Əlavə məlumat veriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
