Şəki şəhəri ərazisində yol-nəqliyyat hadisəsi baş verib.
APA-nın yerli bürosunun xəbərinə görə, şəhərin B. Vahabzadə küçəsində Şəki şəhər sakini Sərxan Məmmədli idarə etdiyi “VAZ-2107” markalı avtomobillə Hüseyn Hüseynovun idarə etdiyi “Land-Cruiser” markalı avtomobili arxa hissəsindən vuraraq yol-nəqliyyat hadisəsi törədib. Nəticədə “VAZ-2107”nin sürücüsü S. Məmmədli və nəqliyyat vasitəsində olan digər 2 qadın sərnişin müxtəlif dərəcəli bədən xəsarətləri alıb.
Faktla bağlı araşdırma aparılır.