Gələn il Azərbaycan Respublikası Dövlət Neft Fondunun (ARDNF investisiya portfelinin 65%-ni ABŞ dolları təşkil edəcək.
"APA-Economics"in məlumatına görə, bu barədə Hesablama Palatasının ARDNF-nin 2022-ci il büdcəsinin layihəsinə verdiyi rəydə deyilir.
Xatırladaq ki, 30 sentyabr 2021-ci il tarixinə dolların ARDNF-nin investisiya portfelində payı 69,1% təşkil edib.
Sənədə əsasən, gələn il avro ARDNF-nin investisiya portfelinin 20%-ni, funt sterlinq 5%-ni təşkil edəcək, qalan 10% isə digər valyutaların payına düşəcək.
Qeyd edək ki, 31.12.2021-ci il tarixinə Fond üzrə gözlənilən aktivlər 43 227,4 mln. dollar səviyyəsində proqnozlaşdırılır.