Bu ilin I rübündə Rusiyanın xarici borcu 40,8 mlrd. ABŞ dolları və ya 8,3% azalaraq 450 mlrd. dollara bərabər olub.
"APA-Economics"in Rusiya Bankına istinadən verdiyi məlumata görə, o cümlədən dövlət orqanlarının xarici borcu 10,2 mlrd. dollar və ya 14,6% azalaraq 59,8 mlrd. dollara enib. Xüsusilə, xarici valyuta istiqrazlarında qeyri-rezidentlər qarşısındakı öhdəliklər 700 mln. dollar və ya 3.3% azalaraq 21,6 mlrd. dollara, rublla ifadə edilmiş dövlət qiymətli kağızlarında dollar ifadəsində isə 9,5 mlrd. dollar (-20,4%) azalaraq 36,9 mlrd. dollara çatıb.
Müxtəlif sahələrdə fəaliyyət göstərən şirkətlərin və təşkilatların xarici borcları 24,2 mlrd. dollar (-7,3%) azalaraq 305,7 mlrd. dollar təşkil edib.
Rusiya banklarının borcu isə 3,5 mlrd. dollar və ya 4,6% azalaraq 73,4 mlrd. dollar olub.
Yanvar-martda Rusiya Bankının borcu 11,1 mlrd. dollar təşkil edib ki, bu da illik ifadədə 2,8 mlrd. dollar və ya 20% azdır.
Qeyd edək ki, 2019-cu ildə Rusiyanın xarici borcu 35,8 mlrd. dollar və ya 7,9% artaraq 490,8 mlrd. dollar təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
