2021-ci ilin ilk yarısında Azərbaycan xaricə 1,124 mln. ABŞ dolları (1,911 mln. manat) dəyərində 1 457,83 kq gümüş ixrac edib.
"APA-Economics"in Dövlət Statistika Komitəsinin məlumatları əsasında apardığı hesablamalara görə, bu, 2020-ci ilin eyni dövrü ilə müqayisədə həcm ifadəsində 0,9% az olsa da, dəyər ifadəsində 36,7% çoxdur.
2021-ci ilin yanvar-iyun aylarında ixrac edilən gümüşün 88,3%-i İsveçrəyə, qalan 11,7%-i isə Türkiyəyə göndərilib.
Qeyd edək ki, cari ilin ilk yarısında Azərbaycanda 2 438,6 kq gümüş hasil olunub ki, bu da illik müqayisədə 13,4% çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
