Azərbaycan Respublikasının işğaldan azad edilmiş ərazilərdə məsələlərin mərkəzləşdirilmiş qaydada həlli ilə bağlı Əlaqələndirmə Qərargahının nəzdindəki İdarələrarası Mərkəzin nümayəndələrinin Ağdama səfəri davam edir.
APA-nın yerli bürosunun məlumatına görə, Mərkəzin Elm, təhsil və mədəniyyət məsələləri üzrə İşçi Qrupu səfər çərçivəsində “İmarət” kompleksində, Cümə məscidində olub.
Heyət həmçinin Ağdam Dram Teatrının binasının yerləşdiyi əraziyə, 19-cu əsrə aid Ağdam hamamına baxış keçirib. Burada müvafiq qeydiyyat işləri aparılıb.