"YAŞAT" düşərgəsinin iştirakçıları Həzi Aslanovun Lənkərandakı ev-muzeyində olublar

"YAŞAT" düşərgəsinin iştirakçıları Həzi Aslanovun Lənkərandakı ev-muzeyində olublar

© APA | "YAŞAT" düşərgəsinin iştirakçıları Həzi Aslanovun Lənkərandakı ev-muzeyinə eksursiya ediblər

# 16 iyul 2021 15:11 (UTC +04:00)

“YAŞAT” Fondunun və “ASAN Könüllüləri” Təşkilatının birgə təşkilatçılığı ilə şəhid övladları üçün həyata keçirilən "YAŞAT" düşərgəsi davam edir. 

Fonddan APA-ya verilən məlumata görə, düşərgənin dördüncü gününə səhər idmanı ilə start verilib. Uşaqlar arasında əyləncəli viktorina da təşkil olunub və onlara müxtəlif hədiyyələr paylanılıb. Sonra iştirakçıların iki dəfə Sovet İttifaqı Qəhrəmanı, general-mayor Həzi Aslanovun Lənkəran şəhərindəki ev-muzeyinə eksursiyası təşkil olunub. 

Dördüncü gün uşaqların hovuz əyləncəsi və  şou-musiqi proqramı ilə davam etdirilib. Düşərgə müddətində tərəfdaş qurumlar tərəfindən iştirakçılara müxtəlif hədiyyələr təqdim olunur.

Xatırladaq ki, ümumilikdə 300-dək uşağı əhatə edəcək 6 düşərgənin həyata keçirilməsi nəzərdə tutulub. Layihə çərçivəsində hər düşərgədə uşaqlar üçün əyləncə saatları, öyrədici təlimlər, teatrlar, öz sahəsində müsbət imicə malik olan peşəkarlarla, qurum rəhbərləri ilə görüşlər, ekskursiyalar, habelə psixoloqların iştirakı ilə təlimlər, konsultasiyalar keçirilməsi və yekunda müğənnilərin iştirakı ilə konsert proqramının keçirilməsi nəzərdə tutulub. Hər düşərgə ümumilikdə 6 gün 5 gecəni əhatə edəcək.

#
#

ƏMƏLİYYAT İCRA OLUNUR