FİDE şahmatçıların fevral reytinqini açıqlayıb.
Apasport.az saytının məlumatına görə, yanvarda baş tutan oyunların da əksini tapdığı siyahıda Azərbaycanın 7 şahmatçısı yer alıb.
Onlardan 4-ü kişi qrossmeysterdir ki, təmsilçilərimizdən ikisi ilk “onluq”dadır. Milli üzvlərindən ən yaxşı göstərici yenə Şəhriyar Məmmədyarova məxsusdur. 2770 xala malik 35 yaşlı qrossmeyster ötənaykı mövqeyini qoruyaraq 8-ci yerdə qərarlaşıb.
Teymur Rəcəbov isə irəliləyişə nail olub. İlk “onluq”a daxil olan qrossmeysterimiz 2765 xalla 10-cudur.
4 pillə irəliləyərək, 67-ci yerə qalxan Nicat Abasov 2670 xala malikdir. Digər milli üzvü Qədir Hüseynov (2666) 2 rəqibini keçərək 72-cidir. Ötən ay ilk “100-lük”də olan Rauf Məmmədov isə siyahını tərk edib.
Bu siyahıda Maqnus Karlsen (Norveç, 2862) birinci, Fabiano Karuana (ABŞ, 2842) ikinci, Dinq Liren (Çin, 2805) üçüncüdür.
Qadınlar şahmatçılar arasında isə 3 təmsilçimiz yer alıb. Yığma üzvlərindən Günay Məmmədzadə (2455) 28-ci, Gülnar Məmmədova (2386) 75-ci və Ülviyyə Fətəliyeva (2377) 86-cı pillədədir. Sonuncu iki şahmatçı müvafiq olaraq, 2 və 1 pillə irəliləyib.
Qadın zəka sahiblərinin cədvəlində Yifan Hou (Çin, 2664) birincidir.
FİDE reytinqində Rəcəbov irəliləyib, Məmmədov “100-lük”dən kənar düşüb
31 yanvar 2020 21:45 (UTC +04:00)
Stolüstü oyunlar
FHN-in qurumları arasında stolüstü tennis üzrə çempionata yekun vurulub
17:32
19 aprel 2024
Şəhriyar Məmmədyarov Kanadada rapid üzrə yarışın qalibi olub
11:39
17 aprel 2024
Nicat Abasov İddiaçılar turnirinə heç-heçə ilə başlayıb
05:24
5 aprel 2024
Şəhriyar Məmmədyarov reytinq siyahısında irəliləyib
10:38
1 aprel 2024