QDİƏT-də turizm sahəsində pandemiya ilə mübarizə üzrə işçi qrupun iclası keçirilib

QDİƏT-də turizm sahəsində pandemiya ilə mübarizə üzrə işçi qrupun iclası keçirilib
# 05 mart 2021 17:23 (UTC +04:00)

Martın 5-də Qara Dəniz İqtisadi Əməkdaşlıq Təşkilatının (QDİƏT) turizm sahəsində COVİD-19 əleyhinə mübarizəyə həsr edilmiş işçi qrupunun onlayn iclası keçirilib. 

Dövlət Turizm Agentliyindən APA-ya verilən məlumata görə, İşçi qrupunun iclasında QDİƏT-in Daimi Beynəlxalq Katibliyinin baş katibi Maykl Kristides, Ümumdünya Turizm Təşkilatının (BMÜTT) Avropa Departamentinin direktor müavini Piter Yanek, eləcə də Türkiyə, Rusiya, Ukrayna, Gürcüstan, Albaniya, Yunanıstan, Şimali Makedoniya, Serbiya, Moldova, Rumıniya və təşkilata üzv olan digər dövlətlərin 30-a yaxın nümayəndəsi iştirak edib.

Üzv dövlətlər tərəfindən COVID-19-a qarşı həyata keçirilən tədbirlər, turizm sektorunun bərpası istiqamətində indiyədək görülmüş işlər, həmçinin bu sahədə planlaşdırılan tədbirləri müzakirə etmək məqsədilə keçirilən iclasda sözügedən məsələlərə dair birgə bəyannamənin layihəsi hazırlanıb.

Həmçinin onlayn görüşdə üzv ölkələrin mütəmadi olaraq turizmlə bağlı COVID-19 pandemiyası və sonrakı dövr ərzində əsas xəbər və yeniliklərin QDİƏT Katibliyinə göndərilməsi barədə razılıq əldə edilib. 

Qeyd olunan məlumatlar pandemiya dövründə üzv ölkələrə səyahət şərtləri və turizm sahəsi ilə bağlı yeniliklərin dünya ictimaiyyətinə çatdırılması məqsədilə QDİƏT tərəfindən yaradılan onlayn platformada (http://www.bsec-covidinfo.org) yerləşdiriləcək.

#
#

ƏMƏLİYYAT İCRA OLUNUR