Səfir: “İnanıram ki, İranla Azərbaycan arasında viza rejiminin ləğvi məsələsi yaxın vaxtlarda həllini tapacaq”
24 yanvar 2008 09:08 (UTC +04:00)
Səfir danışıqların gedişi haqda hər hansı bilgiyə malik olmadığını da bildirib: “Bu məsələ hər iki tərəfin marağındadır və reallaşması mümkündür. Hələlik isə İranla Azərbaycan arasında üç keçid məntəqəsi fəaliyyət göstərir”. İranla Azərbaycan arasında viza rejiminin ləğv olunması perspektivlərinə münasibət bildirən diplomat bu məsələnin müsbət həllini tapmasında problem olmadığını deyib: “Gediş-gəlişdə heç bir problem yoxdur. Vizanın alınmasında da problem yaradılmır. Amma gediş-gəlişlə bağlı yaradılan şərait xalqların tam istəyinə uyğun deyil. İnanıram ki, yaxın vaxtlarda bu məsələ müsbət həllini tapar və iki qonşu və qardaş xalq bir-birinin evinə pul ödəməklə getməz”. H. Zare İran İslam İnqilabının Mühafizə Korpusu - “SEPAH”la əməkdaşlıqda təqsirli bilinərək müxtəlif müddətlərə azadlıqdan məhrum edilən Azərbaycan vətəndaşlarının həbsindən sonra iki ölkə arasında hər hansı problem yaranmayacağına inandığını da deyib: “Kənar qüvvələr həmişə əlaqələrin korlanması üçün müəyyən işlər görüb və gələcəkdə də belə olacaq. Lakin iki ölkə arasında münaqişə yaratmaq cəhdləri nəticəsiz qalacaq”. Səfir Azərbaycan Xarici İşlər Nazirliyində bu məsələ ilə bağlı ona təqdim edilən istintaq materiallarının Tehrana göndərilib-göndərilməməsi haqda isə heç nə deməyib. /APA/
Xarici siyasət
Almatıda Azərbaycan və Ermənistan XİN rəhbərlərinin danışıqları başa çatıb - VİDEO - YENİLƏNİB
18:38
10 may 2024
Türkmənistanda Ümummilli Lider Heydər Əliyevin 101 illiyi qeyd edilib
15:58
10 may 2024
Ceyhun Bayramov sülh danışıqlarına dəstəyə görə Qazaxıstana təşəkkür edib
15:39
10 may 2024
Mirzoyan: Almatı görüşü Azərbaycanla sülh müqaviləsinin razılaşdırılmasına yönəlib
15:37
10 may 2024