"Ermənistan, Rusiya və Azərbaycan regionda nəqliyyat və iqtisadi əlaqələrin açılmasına köklənib".
APA-nın xəbərinə görə, bunu Rusiya Baş nazirinin müavini, Ermənistan, Rusiya və Azərbaycan Baş nazirlərinin müavinlərindən ibarət işçi qrupun üzvü Aleksey Overçuk İrəvanda keçirilən Ermənistan-Rusiya biznes-forumunda deyib.
“Üçtərəfli işçi qrupun görüşləri keçirilir. Sonuncu görüş avqustun ortasında Moskvada keçirilib. Bütün tərəflər regionda nəqliyyat və iqtisadi əlaqələrin açılmasına köklənib. Bunu necə edə bilərik deyə müzakirə gedir”, - deyə A. Overçuk qeyd edib.
Onun sözlərinə görə, nəqliyyat marşrutlarının bərpası əmtəə dövriyyəsinin artırılması və genişləndirilməsi üçün yeni imkanlar yaradacaq.