Türkiyədə 28 May-Respublika Günü münasibətilə “Dünəndən bu günə Azərbaycan-Türkiyə əlaqələri” adlı jurnal dərc edilib.
APA-nın yerli bürosunun xəbərinə görə, nəşr İstanbul Universitetində fəaliyyət göstərən Azərbaycan-Türkiyə Qardaşlıq və Həmrəylik Birliyi tərəfindən hazırlanıb.
Türkiyənin İstanbul, Ankara və Antalya şəhərlərində ictimaiyyətə təqdim edilən jurnalda Azərbaycan Demokratik Respublikasının qurulması, Türkiyə-Azərbaycan münasibətləri, Azərbaycanın elm adamları və bir sıra digər mövzularda geniş məqalələr yer alır.