Bakı. Şəhriyar Əlizadə - APA. “Bizim yol” qəzetinin əməkdaşı və “moderator.az” saytının həbsdə olan rəhbəri Pərviz Həşimli saxlanma yerinin dəyişdirilməsi üçün ərizə ilə məhkəməyə müraciət edib.
Bu barədə APA-ya vəkil Elçin Sadıqov məlumat verib. E. Sadıqov deyib ki, P. Həşimli ərizəsində hazırda saxlanıldığı Milli Təhlükəsizlik Nazirliyinin istintaq təcridxanasında şəraitin yaxşı olmamasını əsas gətirərək saxlanma yerinin Bakı İstintaq Təcridxanasına dəyişdirilməsini xahiş edib.
P. Həşimli sentyabrın 17-də Milli Təhlükəsizlik Nazirliyinin (MTN) əməkdaşları tərəfindən həbs edilib. O, Cinayət Məcəlləsinin 206.3.2-ci (qaçaqmalçılıq) və 228.2.1-ci (qanunsuz olaraq odlu silah əldə etmə, saxlama) maddələri ilə ittiham olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
