Bakı. Pərviz Nuriyev - APA-Economics. “Təmiz Şəhər” ASC tullantıların azaldılmasına yönəldilmiş yeni www.tullantim.az portalını istifadəyə verib.
Cəmiyyətdən “APA-Economics”ə verilən məlumata görə, portalın yaradılmasında məqsəd tullantıların azaldılmasını izah edilməsidir. Bu məqsədlə sayt istifadə edilməyən əşyalar barədə məlumatı sözügedən sayta yerləşdirməklə həmin əşyaları ianə etməyə imkan yaradır.
Sayta daxil olmaqla hər kəs lazımsız hesab etdiyi, lakin hələ də istifadə edilə biləcək əşyaları tullantıya çevirmək əvəzinə həmin əşya barədə məlumatı sayta əlavə edə bilər, bununla da saytın digər istifadəçilərinə fayda vermək imkanı qazanır.
Saytın rahat qeydiyyat və naviqasiya sistemi ianələr barədə məlumatın qısa zamanda əlavə edilməsinə kömək edir. Resursun Facebook, Twitter və digər sosial şəbəkələrlə birbaşa bağlı olması isə ianələrin müzakirə edilməsinə və paylaşmasına imkan yaradır.
Saytda tullantıların azaldılmasının müxtəlif yollarının, praktiki məsləhətlər və digər mövzuların istifadəçilər arasında müzakirəsi üçün forum bölməsi yaradılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
