Bakı. Nail Hüseynli - APA-Economics. Azərbaycanın “TuranBank” ASC-nin aktivləri 2013-cü ildə 13,7% artaraq 2014-cü ilin yanvarın 1-nə 246,864 mln. manat təşkil edib.
Bankdan “APA-Economics”ə verilən məlumata görə, hesabat tarixinə bankın kredit portfeli illik müqayisədə 11,8% artaraq 180,247 mln. manata çatıb.
Ötən il üzrə bankın müştəri hesabları və depozit portfeli 108,2 mln. manat təşkil edib. Depozit portfelinin strukturunda fiziki şəxslərin müddətli əmanətləri illik müqayisədə 23,5% artaraq 61,344 mln. manat olub.
Bankın nizamnamə kapitalı 46,7% artaraq yanvarın 1-nə 44 mln. manat, məcmu kapitalı 49,3% artaraq 50,489 mln. manata çatıb.
Qeyd edək ki, 2013-cü ildə bankın gəlirləri 27,646 mln. manat, xərcləri isə 22,518 mln. manat təşkil edib. Hesabat dövrü üzrə bankın balans mənfəəti 5,128 mln. manat, xalis mənfəət isə 4,191 mln. manat olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
