Bakı-APA. Lerikdə yanğın baş verib. APA-nın Fövqəladə Hallar Nazirliyinin (FHN) saytına istinadən verdiyi xəbərə görə, yanğın hadisəsi rayonun Vistən kəndində (rayon mərkəzindən 20 km aralı) Rayon İcra Hakimiyyətinə məxsus ümumi sahəsi 375 kv.m olan 7 otaqdan ibarət uşaq bağçasında baş verib. Nəticədə uşaq bağçasının yanar konstruksiyaları 320 kv.m sahədə yanıb.
Bağçanın qalan hissəsi yanğından mühafizə olunub.
Yanğın saat 18:50-də yanğınsöndürənlər tərəfindən söndürülüb.