Bakı. Gülnar Bəşirova - APA. TQDK-nın Ağcabədi regional bölməsi tərəfindən 2014-cü ildə keçiriləcək imtahanlarda zal nəzarətçisi kimi iştirak edəcək nəzarətçi - müəllimlərlə seminar-məşğələlərin keçirilməsi yekunlaşdırılıb. TQDK-nın mətbuat xidmətindən APA-ya verilən məlumata görə, yanvarın 27-dən başlayan seminarlarda qrafikə uyğun olaraq Ağcabədi, Tərtər, Ağdam, Bərdə, Füzuli, Beyləqan və Zərdab rayonundan olan 1200 nəfər nəzarətçi-müəllim iştirak edib.
Seminar-məşğələlərdə nəzarətçilərə imtahanların idarə olunması qaydaları izah edilib, imtahanın gedişinə aid film nümayiş etdirilib, onlar əyani vəsaitlərlə tanış edilib və anket məlumatları dəqiqləşdirilib.
Sonda nəzarətçiləri maraqlandıran suallar cavablandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
