Bakı. Könül Cəfərli – APA. İran Xarici İşlər Nazirliyinin spikeri Ramin Mehmanpərəst BMT Təhlükəsizlik Şurasının 5 daimi üzvünün ölkəsinin nüvə fəaliyyətləri ilə bağlı yaydığı bəyanatı tənqid edib.
APA-nın İSNA-ya istinadən verdiyi məlumata görə, R. Mehmanpərəst İran indiyədək nüvə fəaliyyətlərini Atom Enerjisi üzrə Beynəlxalq Agentliyin (AEBA) nəzarəti altında davam etdirir və bundan sonra da əməkdaşlığını sürdürəcək: “İranın nüvə fəaliyyətləri dinc məqsədlidir”.
Qeyd edək ki, BMT Təhlükəsizlik Şurasının 5 daimi üzvü İranın nüvə fəaliyyətlərini Şimali Koreya ilə eyniləşdirib, eyni zamanda Yaxın Şərqin kütləvi qırğın silahlarından təmizlənməsini istəyiblər.