Bakı. Mübariz Aslanov - APA. Milli Məclisin bu gün keçirilən iclasında İnzibati Xətalar Məcəlləsinə nəqliyyat vasitələrinə normativ tələblər pozulmaqla avadanlıq quraşdırılması və ya dəyişdirilməsinə görə nəzərdə tutulan cərimələrin artırılması ilə bağlı dəyişiklik müzakirəyə çıxarılıb.
APA-nın məlumatına görə, layihə barədə məlumat verən Hüquq siyasəti və dövlət quruculuğu komitəsinin sədri Əli Hüseynli bildirib ki, bununla bağlı məcəllənin 155.2.2-ci maddəsində nəzərdə tutulmuş inzibati xətaya görə cərimənin məbləğinin 50 manatdan 150 manata qaldırılması nəzərdə tutulub.
Müzakirələrdən sonra layihə səsə qoyularaq qəbul olunub.