Ucar. Elvin Yaqubov, Zahid Abışov-APA. Ucar rayonunda qətl hadisəsi baş verib. APA-nın məlumatına görə hadisə fevralın 15-də axşam saat 22:30 radələrində Ucar şəhərinin 20 Yanvar küçəsindəki 57 saylı mənzildə qeydə alınıb. Ev sahibi 1956-cı il təvəllüdlü Əsgərov Yamən Əlihəsən oğlu ailə münaqişəsi zəminində həyat yoldaşı 1963-cü il təvəllüdlü Əsgərova Sahibə Məmməd qızını bıçaqla müxtəlif dərəcəli bədən xəsarətləri yetirməklə öldürüb. Üç uşağı və dörd nəvəsi olan 50 yaşlı qadının qətlinin səbəbi hələ ki, məlum deyil. Hazırda rayonun hüquq-mühafizə orqanlarının əməkdaşları hadisə yerindədir.
Faktla bağlı Ucar rayon Prokurorluğu tərəfindən cinayət işi açılıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
